pankūceņu reits

šudiņ vyss mīreigi, mīreigi. ari munā kuknē vyss mīreigi.

kabači nūsastuojuši ryndā iz izcepšonu, tomati puorsagrupiejuši i gaida nūsarkšonu, zalis i opolys bumbenis, a cytys jau sorkonys i pībrīdušys. paprika kai vecine sakoltušu muti krunkaina čapstinej nazkū par laimi. zeileitis nūsalaiž iz palūdžu i verās.

reits apsalaids palāks i mīreigs.

itys ir pankūceņu i blīneišu reits. bez solkonys jiusmuošonys.

mozu, mozu pankūceņu izcept i palaist gaisā. kai itymā Māra Melgalva dzejūlī.

ir rudiņs i veļu laiks. dreiž Dvieseļdīna, kod pīminēt vysys aizguojušuos dvēselis – obejis babys, krysttāvu, bruolalānu i draugus, satyktūs i nasatyktūs mīsys i dvēselis radinīkus.

nikur jau jī nav pagaisuši i napagaist. munuos atmiņuos gona vītys vysim, tī ir vysu leluokī dvieseļduorzi. kod aizīšu i es, varbyut kaidā cytā duorzā paliks kaids kūks. a tys varbyut i ir byutiskuokais, kas ir.

tei vīna stuņde, kas itūnakt daguoja kluot, nikur napagaiss. jau pavasarī mes jū atdūsim atpakaļ. tik itū zīmu jei juopagloboj sovā stuņdinīkā.

Mir träumte, ich müßte Abschied nehmen
von allen Dingen, die mich umstellt haben
und ihren Schatten werfen: die vielen besitzanzeigenden
Fürwörter. Abschied vom Invertar, dieser Liste
diverser Fundsachen. Abschied
von den ermüdenden Düften,
den Gerüchen, mich wachzuhalten, von der Süße,
der Bitternis, vom Sauren an sich
und von der hitzigen Schärfe des Pfefferkorns.
Abschied vom Ticktack der Zeit, vom Ärger am Montag,
dem schäbigen Mittwochsgewinn, vom Sonntag
und dessen Tücke, sobald Langeweile Platz nimmt.
Abschied von allen Terminen: was zukünftig fällig sein soll.

Günter Grass & Günter “Baby” Sommer. Wer lacht hier, hat gelacht. Lyrik und Prosa. Schlagzeug und Percussion auf 2 Tonkassetten. – Göttingen: Steidi Verlag, 1988.